12 лістапада 2024 года ў Беларускім дзяржаўным універсітэце фізічнай культуры прайшла штогадовая цырымонія ўручэння прэміі Надзвычайнага і Паўнамоцнага Пасла Кітайскай Народнай Рэспублікі ў Рэспубліцы Беларусь. Доўгачаканыя ўзнагароды былі ўручаны 36 школьнікам і студэнтам, 10 настаўнікам кітайскай мовы і 10 установам адукацыі. Спадар Чжан Вэньчуань і намеснік Міністра адукацыі Беларусі Аляксандр Кадлубай павіншавалі ўсіх лаўрэатаў і падкрэслілі важнасць беларуска-кітайскіх дыпламатычных адносін.
Заахвочванне таленавітай моладзі з'яўляецца добрым стымулам для далейшай падрыхтоўкі высокакваліфікаваных спецыялістаў з веданнем кітайскай мовы. На дадзены момант больш за 1000 беларускіх студэнтаў навучаюцца ў Кітаі і каля 12 000 кітайскіх студэнтаў – у Беларусі. Партнёрскія адносіны паміж дзвюма краінамі дапамагаюць рэалізацыі сумесных праектаў.
Урачыстае мерапрыемства суправаджалася выставамі, незабыўнымі выступленнямі, фотасесіяй і станоўчымі эмоцыямі.
 |
 |
 |
 |
 |
Наталля Пратасевіч,
кіраўнік адукацыйных праграм
па вывучэнні кітайскай мовы,
ДУА «Гімназія г. Мсціслава»
